အိပ်ပေါက် နှင့် ဖားမကောက် နှင့်- ရေဘူးပေါက် နဲ့ ရေပိုက် မဖွင့် နဲ့ ......

မြန်မာပြည် သတင်းသည်- နိုင်ငံတကာ တီဗွီ သတင်းစာများ သို့ နေ့စဉ်လိုလို ပါရှိနေသော ယနေ့ အခါတွင်-
နိုင်ငံတော် အကြီးအကဲများ- နိုင်ငံ့ ခေါင်းဆောင်များသည်- ပြည်ပ နိုင်ငံများသို့ သွားရောက်၍- ရင်းနှီးမြုပ်နှံသူများ လာနိုင်စေရန် ကြိုးပမ်း အားထုတ် လျှက် ရှိနေကြပါ၏။

ကျွန်တော်တို့ မြန်မာများကလည်း- တိုင်းပြည် ကောင်းလာမည်လား ဟု မျှော်လင့် နေရသော အခါသမယ လည်း ဖြစ်၏။

သမိုင်းကို တစ်ခေါက် ပြန်ကြည့်ကြပါစို့-

လွန်ခဲ့သော နှစ်ပေါင်း ၆၀ ကျော်ကလည်း- အင်္ဂလိပ်များကို မောင်းထုတ်ပြီးလျှင်- ကိုယ့်နိုင်ငံ ကိုယ်အုပ်ချုပ်ခွင့် ရသော- လွတ်လပ်သော မြန်မာနိုင်ငံ ကြီး ဖြစ်ပြီဟု နဂါးနီ သီချင်း ကြွေးကြော်သံ- တို့ဖြင့်- အမျှော်လင့်ကြီး မျှော်လင့်ခဲ့ကြပါ၏။
ပြည်တော်သာ စီမံကိန်းများ ဖြင့် အားကိုး စောင့်မျှော်ခဲ့ကြရ၏။

ဖြစ်ခဲ့ပါ၏လား။

ပြဿနာသည် အပြင်မှာ မရှိ၊ အတွင်းတွင် ရှိ၏။

စည်းလုံးခြင်း မရှိ၊ တစ်ကိုယ်ကောင်းဆန်မှု၊ အသိဥာဏ် နည်းပါးမှု၊ ၀ါဒချင်း မတူ - ရန်သူ သတ်မှတ်မှု တို့ကြောင့်- နိုင်ငံခြားသား တို့၏ အုပ်ချုပ်မှု ကျွန်ထက် ပိုဆိုးသော- ကျွန်ဖြစ်စေရန် နိုင်ငံခြားသွားရသော- နိုင်ငံခြားတွင် ကျွန်ခံနေရသူတို့ကိုမှ အထင်ကြီးရသော ဘ၀ သို့ ရောက်ခဲ့ ရသည်ကို လူတိုင်း သိကြသည် ဖြစ်၏။

ထို့ထက် ဆိုးသော အမှားကြီး တစ်ခုလည်း ရှိ၏။

ထိုအမှားသည်ကား- လွတ်လပ်ရေး ရလျှင် ပြီးရော ဟူသော သဘောထား ဖြစ်၏။

လွတ်လပ်ရေး ရပြီးလျှင် မည်သို့ ဆက်လက် ဆောင်ရွက်ကြမည် ဆိုသည့် လမ်းကြောင်း သတ်မှတ်မှု၊ လုပ်ရမည့် မဟာဗျူဟာ နည်းဗျူဟာ သတ်မှတ်မှု အားနည်းခဲ့၏။

သင်သည် ကားတစ်စီးကို မောင်းနှင်ပြီ ဆိုပါက- အိမ်ပေါက်ဝမှ ထွက်ပြီ ဆိုသည် နှင့် ပြီးပါပြီလား။

- မည်သည့် နေရာကို သွားမည်နည်း။

- ထိုနေရာသို့ ရောက်ရှိရန် လမ်းကြောင်း ဘယ်နှစ်ခု ရှိသနည်း။

- အချိန် မည်မျှ ကြာနိုင်မည်နည်း။

- အချိန် အရရော- ကားကြပ်မည့် အချိန်ကာလ ဖြစ်ပါမူ- Traffic Jam ရှိနိုင်သော လမ်းကြောင်း တို့ကို ဖယ်၍- မည်သည့် လမ်းကြောင်းကို ရွေးချယ် ရမည်ကို စဉ်းစားမည် ဖြစ်၏။

- တစ်ဖန်- သွားသော ခရီးလမ်းသည် လမ်းရှည် ခရီးဝေး ဖြစ်ပါက- ထိုခရီးတွင် ဆီဖြည့် စရာနေရာ မရှိလျှင်- မိမိ အိမ်မှ ထွက်စဉ်ကပင် အသွားအပြန် လိုအပ်မည့် ဆီ နှင့် တာယာ အပို စသည့်တို့ကို ယူသွားရမည်။

-ရေ နှင့် အစားအသောက် လိုအပ်နိုင်မည်လား၊ ကြိုတင် စဉ်းစားထားရမည်။

- အကယ်၍- ညရေး ညတာ- ဖြတ်ကျော်ရမည် ဖြစ်သော နေရာတွင် မသမာသူတို့ နှင့် ကြုံဆုံရပါက- မည်သို့ ဖြေရှင်းမည်နည်း။မသမာသူတို့က ဘုန်းကြီး ရဟန်းယောင် ဆောင်၍ ကားရပ်ခိုင်းမည်လား၊ တာဝန် ရှိသူ အယောင်ဆောင်၍ ကားရပ်ခိုင်းမည်လား၊ ဒုက္ခရောက်သူယောင် ဆောင်၍ ကားရပ်ခိုင်းမည်လား၊ ဤသို့ ကြုံလျှင် မည်သို့ ဖြေရှင်းမည်နည်း။

ဆိုလိုသည်မှာ- တာထွက်သည် အဓိက မကျ- မိမိရည်ရွယ်ချက်သို့ - ချောချော မောမော၊ အန္တရာယ် ကင်းကင်း ရောက်ရှိရေး သည် အဓိက ဖြစ်၏။

မိမိနှင့် တကွ- မိမိနှင့် အတူ ကားပေါ် ပါလာသော မိသားစု အားလုံးအတွက် လုံခြုံရေးသည် ထိုမိသားစု အကြီးအကဲ ပေါ်တွင် ကြီးမားသော တာဝန်ကြီးများ ရှိနေခဲ့၏။ ပြင်ပ ပယောဂ မပါသော အခက်အခဲ၊ ပြင်ပ ပယောဂ ပါလာနိုင်သော အခက်အခဲ- တို့အတွက် ပြင်ဆင် စဉ်းစား ထားခဲ့ရမည် ဖြစ်၏။

ထိုစဉ်က- စဉ်းစားခဲ့ကြပါသလား။ မစဉ်းစားခဲ့ဟု မဆိုလိုပါ။

စဉ်းစားမှုတို့ မလုံလောက် ခဲ့ကြောင်းကိုမူ သမိုင်းက သက်သေ ပြဆို၏။

ယခုကော- မည်သို့ ဖြစ်မည်နည်း။

ယင်းကို ယှဉ်ပြရန် အတွက်- အနီးစပ်ဆုံး လက်တွေ့ ဥပမာ- တစ်ခုကို ပြလိုပါ၏။

လွန်ခဲ့သော - ၄-နှစ် ခန့်က ကျွန်တော် ဗီယက်နာမ် နိုင်ငံ သို့ ရောက်ခဲ့ပါသည်။

အလုပ်သဘော ကြောင့် ဥရောပ နိုင်ငံ တော်တော်များများကိုလည်း ရောက်ခဲ့ဘူးပါ၏။

မြန်မာပြည်မှ နိုင်ငံခြားသို့ ပထမဦးကြိမ် ရောက်ဘူးသူတို့ အနေဖြင့်-
မျက်စိတစ်ဆုံး အနေအထားတွင်- ဆိုင်ကယ်များ ထောင်နှင့် ချီ၍ လမ်းမပေါ်သို့- လိမ္မော်ခြင်း မှောက်ချလိုက်သည့် အလား မြင်တွေ့ရခြင်း၊ အဆောက်အဦ အချို့ ထူထောင် ရှိခြင်း တို့ကို မြင်သော်- တိုးတက်လေစွ ဟု မြင်ကောင်း မြင်မည် ဖြစ်သော်လည်း- လမ်းမပေါ်တွင် လမ်းလျှောက် ၍ မရလောက်အောင် ဆိုင်ကယ်ဆီ၊ ဓါတ်ဆီ ညှော်နံ့ တို့ဖြင့် ပြည့်နေသော- လေထု ကြီးစွာ ညစ်ညမ်း နေသော အနေအထားကြီးကိုဖြင့်- ကျွန်တော် အားမကျမိပါ။ ဥရောပ နိုင်ငံ မြို့ကြီး တို့တွင်ကား- ကားသံ၊ ဆူညံသံ တို့ တိုးတိုး တိတ်တိတ် မျှသာ ရှိ၏။ နယ်သာလန် နိုင်ငံ - အမ်စတာဒမ် မြို့ Amsterdam လမ်းဘေး များတွင် နံနက်ခင်း ပြေးသူ၊ စက်ဘီး အတွက် သီးသန့် လုပ်ထားပြီး- လေကောင်း လေသန့် ရှူနိုင်သေး၏။

မူလ သဘာဝ အားဖြင့်- စိမ်းလန်း စိုပြေ သော- မုတ်သုန် ရာသီ ဥတု ဒေသ၏ အာရှ နိုင်ငံ တစ်နိုင်ငံသည်- လေထု ညစ်ညမ်းမှုကြောင့်- လမ်းမတွင် လမ်းလျှောက်ရသော အနေအထားတွင်- Mask ဖြင့် သွားရသည့် အခြေ အနေသို့ ရောက်သွား၏။

ဒါကို တိုးတက် သည်ဟု ခေါ်ပါသလား..
ဟာ- မဟုတ်သေးဘူးလေ- ငွေကြေး အနေအထား တိုးတက် သွားတာပေါ့ ဟု တစ်စုံတစ်ဦး က ပြောကောင်း ပြောမည် ဖြစ်၏။
ကောင်းပါပြီ။ အောက် က ဂရပ်လေး ကို ကြည့်ကြရအောင်..

ဤဂရပ်ဖ်သည် အစိုးရ ကြွေးမြီ ပမာဏ နှင့် Gross Domestic Product (GDP) ခေါ် နိုင်ငံ တစ်နိုင်ငံ၏ ပြည်တွင်း အသားတင်ထုတ်လုပ်မှု တန်ဖိုး ပမာဏ အချိုးကို ပြထားသော ဂရပ် ဖြစ်၏။

ဗီယက်နာမ် တွင် ၂၀၁၁ ခုနှစ်တွင် နိုင်ငံ စုစုပေါင်း ထုတ်ကုန် တန်ဘိုး၏ ၃၈ ရာခိုင်နှုန်းမှာ အစိုးရ အနေဖြင့် တင်သွားသော အကြွေး ဖြစ်၏။ အလွယ်တကူ နားလည်အောင် ပြောရပါလျှင်- တစ်စုံ တစ်ယောက်ထံမှ ငွေချေး၍ ရင်းနှီးမှု ပြုကာ အလုပ်လုပ်၍- ငွေကျပ် ၁၀၀ ရလာသော အခါတွင်- ထိုငွေ အတွက် ဆပ်ရမည့် နေ့ပြန်တိုးမှာ ၃၈ ကျပ် ဖြစ်သည် ကို ဆိုခြင်း ဖြစ်၏။ ငွေ ၁၀၀ ၀င်သော အခါတွင် အကြွေး ၃၈-ကျပ် ရှိနေခြင်း ကို ဆိုခြင်း ဖြစ်၏။

ရင်းနှီး မြုပ်နှံသူတို့ အနေဖြင့် နိုင်ငံ တစ်နိုင်တွင် ရင်းနှီး မြုပ်နှံရာတွင်- ထိုနိုင်ငံမှ ၄င်းတို့၏ ကြွေးကို ပြန်လည် ဆပ်ရန် ခက်ခဲ နိုင်မှု ရှိမရှိကို တိုင်းတာ ခန့်မှန်းသော နည်းတစ်ခု ဖြစ်၏။ အကြွေးနှင့် ၀င်ငွေ အချိုးများ နေခြင်းသည် နိုင်ငံ တစ်နိုင်ငံ၏ စီးပွား စနစ်တွင် ပြဿနာ ရှိနေခြင်း ကို ဖေါ်ပြ၏။ (မှတ်ချက်- ယခင်က- ချမ်းသာ ပြီးသား ဖြစ်ခဲ့ကြသော- ဂျာမဏီ၊ အမေရိကန်၊ ဂျပန် တို့အနေဖြင့်- ဤအချိုးများ မတန်တစ်ဆ များနေခြင်းသည် အလုပ်လက်မဲ့ ပြဿနာများ- စီးပွားရေး ထိခိုက်မှုများကို အတိုင်းအတာ တစ်ခု အထိ ဖြစ်စေသော်လည်း- ယခင်က မချမ်းသာ သေးသည့် နိုင်ငံ တစ်နိုင်ငံ အနေဖြင့်- ဤသို့ အကြွေး အချိုးများ နေခြင်းသည်ကား အလွန်ဆိုးသော အနေအထား ဖြစ်သည်။ ဆိုလိုသည်မှာ- သိန်း ၁၀၀၀ ချမ်းသာသော သူတစ်ဦးတွင်- သိန်း ၅၀၀ အကြွေးရှိ နေခြင်းသည်- အခက် အခဲ ရှိသည် မှန်သော်လည်း သူ၏ အနေဖြင့် ကြံဖန် လုပ်ဆောင် နိုင်ပါသေး၏။ တစ်နပ်စာ တစ်နပ် စားဘို့ မနည်း လုပ်နေရသော သူတစ်ဦး အတွက်- မိခင်၏ ဆေးရုံတက် စရိတ် အတွက် ကုန်ကျ သွားသော ငွေအတွက်- မည်သို့ ပြန်ဆပ် နိုင်ပါမည်နည်း။

ဆက်လက်၍- အောက်ပါ ဂရပ်ဖ် ကိုကြည့်ပါက- ဗီယက်နာမ် အစိုးရ အနေဖြင့် ပြည်ပ အကြေးရှင်များသို့ ပေးရမည့် အကြွေး ဖြစ်၏။
ပြည်ပ အကြွေးရှင် ဆိုသည်မှာ နိုင်ငံတကာ ဘဏ္ဍာရေး အဖွဲ့အစည်းများ ဖြစ်သည့် - နိုင်ငံတကာ ငွေကြေး ရံပုံငွေ အဖွဲ့- International Monetary Fund (IMF) နှင့် ကမ္ဘာ့ဘဏ် World Bank စသည်တို့ ဖြစ်၏။

၂၀၁၀ ခုနှစ် ဇွန်လ တွင် ဗီယက်နာမ်သည် အကြွေး ပမာဏ အမေရိကန် ဒေါ်လာ သန်းပေါင်း- ၃ သောင်း ၅ ထောင်ကျော်၊ (တစ်နည်း အားဖြင့် ၃၅ ဘီလျံ ဒေါ်လာ) အထိ ထိုးတက်သွား၏။

သင်သည်- သင်၏ ပိုက်ဆံ ကုန်သွားလျှင်- ဒီထက်ပို၍ ဆိုးရန် မရှိဟု ထင်ကောင်း ထင်မြင်မိနိုင်၏။
မဟုတ်ပါ။

ယခု ခေတ်သည်ကား- အကြွေး စနစ်ကြီး ဖြစ်၏။

သင့်မှာ ရှိတာပြောင်သွား သော်လည်း- သဘောတူညီမှု တစ်ခုဖြင့်- ငွေချေးနိုင်သေး၏။

ဝ-သုည ထက်ဆိုးသည်ကား- အနှုတ် လက္ခဏာ ဖြစ်၍- အကြွေးသည် အနှုတ် လက္ခဏာ ဖြစ်၏။

ဒါဆို ဘာနဲ့ ဆပ်မလဲ-

သင်၏ လုပ်အား၊ သင့်သားသမီး၊ မြေးမြစ် များ၏ လုပ်အား တို့သည်ကား- သင်မိုက်မှားသော အကြွေးကို ဆက်လက် ပေးဆပ်ကြရမည် ဖြစ်၏။

ထို့ကြောင့်- ကမ္ဘာ့အချမ်းသာဆုံး သူဌေးကြီး ၀ါရင့် ဘတ်ဖေး Warren Buffett အနေဖြင့်- Weapon of Mass Destruction သည် အများအပြားကို ဖျက်ဆီးနိုင်သော လက်နက်သည်- နျူကလီယာ လက်နက်၊ ဇီဝ ပိုးမွှား လက်နက် မဟုတ်၊ ဘဏ္ဍာရေး စနစ် သာ ဖြစ်ကြောင်း ပြောပြခဲ့၏။

http://news.bbc.co.uk/2/hi/2817995.stm

ယခင် မဆလ အစိုးရ လက်ထက်ကလည်း- မြန်မာ နိုင်ငံတွင် ကြီးမားသော ပရောဂျက် ကြီးများကို အကြောင်းပြု၍- နိုင်ငံခြား ချေးငွေ အကူအညီ ရယူခဲ့၏။

ယင်းမှ ရလာသော ချေးငွေတို့မှ ရာခိုင်နှုန်း အချို့ ကို ချေးငွေအတွက် ရရှိရေး အတွက် ကူညီရပါသည် ဆိုသော နိုင်ငံခြားသား Lobbyist တို့ က ဦးစွာ ဖြတ်ယူလိုက်၏။

ကျန်သော ပမာဏမှ အချို့ကို ထိပ်ဆုံးမှ ပုဂ္ဂိုလ်ကြီးများ က- ကြည့်ရှု စောင်မလိုက်၏။

ထို့နောက်တွင်တော့- ကျန်သေးသည့် ပမာဏ ကို တစ်ဒေါ်လာ ၆-ကျပ် နှင့် မြှောက်ပြီး- ကျပ်ငွေ သန်းပေါင်း မည်ရွေ့မည်မျှ တန်သော ပရောဂျက် အဖြစ် အများစုသိလိုက် ကြရ၏။

ယင်းမှ- အချို့သည် အမည်ခံပြီး တကယ်မလုပ်သော သူများက သူတို့အတွက် ချန်ပြီး ဆက်ချပေး၏။

တကယ်လုပ်ရမည့် လူများလက်သို့ ရောက်သော အခါ- မူလ ပမာဏ၏ တစ်ဝက်ပင် မကျန်ရစ်တော့-

၎င်းကိုပင်- တကယ်လုပ်သူများက- လုပ်လည်း လုပ်၊ စားလည်း စားကြယင်း-

ထိုနာမည်ကြီး ပရောဂျက်ကြီးများသည် အဖျားရှူးသွားတော့၏။ ဘက်စုံ စီမံကိန်း စသော အသံများ - ဘာမျှ မကြားရတော့ပါချေ။
သို့သော် ၄င်းတို့ တကယ်တမ်း ပြီးသွားပါသလား။

အကြွေးစာရင်းတွင် နာမည် ကျန်ခဲ့ပြီ ဖြစ်၏။
ပေးရမည့်သူကား- သန်းပေါင်း ၆၀ သော မြန်မာပြည်သားများ နှင့် သူတို့၏ သားသမီး မြေးမြစ်များ ဖြစ်၏။

ယခု အခါတွင်ကား- မြေပေါ် မြေအောက် အရာအားလုံး နီးနီးတို့သည် နှစ်တို၊ နှစ်ရှည် စာချုပ်များ၏ ကျေးဇူးတရား အောက်တွင် ပြုတ်ပြုတ် ပြုန်း အနေအထားသို့ ရောက်နေပြီ ဖြစ်၏။
သို့သော် နိုင်ငံ နှင့် နိုင်ငံသားတို့ ကျန်နေသေး၏။

အသွေးအသားဖြင့် ဖွဲ့စည်းထားသော လူတို့အား- အရှင်လတ်လတ် မြိုဆို့ရန် ဟ- ထားသော ပါးစပ် ကြီးများအား အလွယ်မြင်နိုင်၏။
ကျန်ရှိ နေသေးသော နိုင်ငံ နှင့် လူတို့ကို အလုံးစုံ ဆက်လက် ဖျက်ဆီးပစ်မည့် အရာကား- အကြွေးပင် ဖြစ်တော့၏။

ထို့ကြောင့်- နိုင်ငံ ခေါင်းဆောင်များကို ပြောလိုပါသည်။
- ရေဘူး ပေါက်နှင့် ရေမခံပါ နှင့်။
- ရေဘူး ပေါက်၍ ရေမရတာက- တစ်ကြောင်း
- ရေလျှံသော နေရာများကြောင့်- အများစု ဒုက္ခရောက်မှာ က တစ်ကြောင်း၊
ရေပိုက်ခေါင်း ဖွင့်ထားသရွေ့ကာလ အတွင်း- ပေါက်နေသော ရေဘူးကြောင့် ရေမရ သော်လည်း- ရေမီတာ ကတော့ တက်နေပြီ ဖြစ်၏။

အကယ်၍-
မိမိ၏ အတွင်းစည်း အနေအထား ဆောင်ရွက်ရသည်များကို ခိုင်မာအောင် မဆောင်ရွက်ပဲ- ပြင်ပ တံခါးကို ဖွင့်ခြင်းသည်ကား-
ခိုင်ခံ့ အောင်မဆောက်ထားသော ဆည်ဖြင့်- ရေလှောင်ရန် ကြိုးစားခြင်း ပင် ဖြစ်၍- အားလုံး အတွက် သေမင်းတမာန် ပင် ဖြစ်တော့၏။

အခြား တစ်ဘက်တွင်လည်း-

ခြင်္သေ့ ကိုက်ဖြတ် သော အသားကို အဆင်သင့် စားသောက်ရန်-
- ကောက်ကျစ်သော ၀ံပုလွေ တို့သည် လည်းကောင်း၊
- အချောင်နှိုက်မည့် မြေခွေး တို့သည် လည်းကောင်း၊
- အုပ်စုဖွဲ့ ၀င်နွှာကြမည့် ခွေးအ တို့သည် လည်းကောင်း
သွားရည် တစ်မြားမြားဖြင့် စောင့်နေကြသည် ဖြစ်လေရာ -

တိုင်းပြည် အတွက် အမှန်အကန် အကျိုးရှိစေလိုပါက-
မိမိ၏ ရည်ရွယ်ရာ လမ်းခရီး အကြောင်းကို အမှန် အကန်သိရှိ နားလည်အောင် ကြိုးစား၍၊ လိုအပ်သည်များကို ကြိုတင် ပြင်ဆင် ထားလျှက် အတွင်းစည်းကို လုံအောင် ဦးစွာ ကာသင့် ပါကြောင်း အကြံပြုလိုက် ရပါသည်။

ခင်မင် လျှက်
သစ္စာနီ